الشتا دخل علينا والمطره ?

طبيعي تبقي محتاج اكله تدفي المعده ?
وكمان تشبع ❤?

طريقة الكشري :-

الكشري الاكلة اللي مبيختلفش عليها اتنين اللي دايما بتدينا احساس بالسعادة ?

فيلا بينا نعمل كشري ??

الحمص ننقعه قبلها بيوم وتاني يوم نغسله كويس ونحطه في حله فيها ميه بتغلي اكتر من الحمص ونسيبه نص ساعه وبعد كدة نضيف كوبايه عصير طماطم وبصله مقطعه 4 و3 فصوص ثوم سليم وكمون وملح وفلفل اسود وكسبره ناشفه وشويه خل ونسيبه على نار هاديه لحد ما يستوي خالص وبعد نضيف عليه ليمون وشطه زي ما نحب وممكن ناخد الميه بتاعته نحط عليها خل وليمون وكمون وتبقى دقه خل

* البصل : نقطع البصل جوانج ونرش عليه شويه دقيق ونقليه في حله فيها زيت غزير لحد ما يبقى لونه دهبي نرفعه على مناديل

* نسلق المكرونه ونشيلها على جنب ونحط عليها شويه من زيت البصل ونقلبهم

** الرز والعدس والشعريه : نكون ناقعين الرز في ميه فاتره والعدس في ميه مغليه وفي نفس حلة البصل وزيت البصل نحط الشعريه تتشوح شويه وبعدها نضيف الرز والعدس مع بعض نشوحهم كلهم مع بعض ونضيف شويه زبيب وعود قرفه خشب بيدي طع مجميل جدا للكشري ونقلب لحد ما يتشوحوا مع بعض ننزل عليهم بالميه المغليه ونملحها ونوطي خالص لحد ما يستوي

** الصلصه : في حله نحط شويه من زيت البصل ونشوح فيه ثوم مفروم وننزل عليه بعصير الطماطم واول ما تدخل في التسبيك نتبلها بملح وفلفل وكسبره وكمون وبس بالف هنا