لية نشتري من برة طالما ممكن يتعمل في البيت
استربس وريزووو
نفس الشئ ولكنكم تحبون الراجل ابو شعر ابيض ونضارة

بالنسبة للفراخ
صدور بانية كاملة هنقطعها صوابع
وبعدين انقعيها في في مية مع خل وجنزبيل ومعلقتين سكر ومعلقتين ملح انقعيها حوالي نص ساعة عشان تاخد الزفارة
بعد كدة صفيها واغسليها وهتجيبي ٢ كيس مرقة فورية كيسين وتحطيهم علي الفراخ ومعلقة توم بودر ومعلقة شطة وربع معلقة ملح بس كدة اوعي تحطي توابل تانية وادعكي الفراخ بيهم وحطي عليهم نص كوب مية
هاتي بقي كيس تلاجة حطي الفراخ بالمية فية واربطية وسبية اقل حاجة ٣ساعات ممكن من بليل للصبح
طلعية بقي وحطي المية في طبق والفراخ في طبق
وهتحضري دقيق علية معلقة نشا كبيرة
هتحطي الفراخ في الدقيق وقلبي بتاع ١٠ مرات وبعدين بلي قطعة الفراخ في طبق المية ورجعيها للدقيق وقلبي  ونفضي الدقيق وقلبي تاني عشان تعمل التعريج دة الي بيقرمش
حضري علي النار حلة فيها زيت يامة ويكون بيغلي سخن اووووووي
نزلي الفراخ ودقيقة كدة وخلي النار وسط وسبيها ربع ساعة وطلعيها علي مصفي

بصي بقي بالنسبة للرز بتاع كنتاكي بقي
هتجيبي ٢ كوب رز مغسول
بصلة متقطعة مكعبات ٣ فصوص توم متقطع شرايح ٣ مكعب مرقة
معلقة عسل اسود ٣ معالق بربيكيو صوص ٣ معالق كاتشب معلقة مستردة معلقتين صويا صوص و معلقتين من الروشيستر شاير وقلبي الصوصات علي بعض
ننزل بازيت مع قطعة زبدة وننزل بالبصل والمكعب والتوم ونقلب لحد ما مكعب الزبدة يدوووب والبصلة تدبل انزلي ب٢ونص مية واول ما يغلي انزلي بالصوصات دي بس سيبي حبة للوش واول ما تغلي انزلي بربع معلقة ملح ويغلي اسقطي الرز وسوية عادي علي نار هادية

والف هنا ياحلوين ???