فكرة من أفكار الغدا سهلة ومشروحة خطوة بخطوة

الكوردن بلو عملاه بالصدور القطع وكمان المفرومة وهعرفك الفرق بينهم وطريقة اللف وكل حاجة وهعمل صوص الجبنة كمان يلا بينا

?معانا صدور فراخ متقطعة شرائح رفيعة

ملح وفلفل أسمر

وممكن تضيفي كمان بهارات فراخ وبابريكا وتوم بودر وعصرير لمونة واحده لو حابة

..?الحشو

اى حاجة عنك تنفع مع اى نوع جبن

رومي مدخن ..بسطرمة..روزبيف..زبدة وتوم مفروم مع زيتون متقطع صغير جدا ..جبنة شيدر ..جبنة موتزريلا

..?للتغليفة الخارجية

دقيق

ملعقتين نشا

معلقة بيكنج بودر

بيض

فنجان صغير لبن

بقسماط

ملح وفلفل وأى بهارات عايزة تضيفيها حطيها

الطريقة ?

هناخد كل قطعة من الصدور ونضربها بالمدق عشان نرققها بعد كده نتبلها بالبهارات والملح والفلفل ونتركها فى التتبيلة قبلها بيوم او على الاقل ساعة او ساعتين

بعد كده هناخد كل قطعة ونضع عليها الحشو الموجود والمتوفر عندك ونلفها زى ورق العنب او الكرنب كده بعد ما اخلص الكمية احطها فى الفريزر حوالي ربع ساعة مش اكتر من كده خالص

… اخدت صدر من الفراخ بعد ماتبلته وفرمته بعد كده ببل ايدى شوية ميه عشان اعرف امسكه وبفرده داخل كيس بلاستيك او بلاستيك راب وأحط عليه الحشو والفه بواسطة الكيس رول وادخله مع الباقى الفريزر

بعد كده باخد كل قطعة واحطها فى الدقيق المبهر ثم البيض واللبن المبهر ثم البقسماط المبهر وأحمرها فى الزيت وبالف هنا

?طريقة صوص الجبنة

على النار فى حلة وأحط معلقة زبدة تسخن انزل بمعلقة دقيق اقلب شوية وانزل بكوب لبن وأحط ملح وفلفل أسمر واقلب لغاية مايتقل شوية انزل بجبنة شيدر وجبنة موتزريلا حوالي كوب أو أقل واقلب لغاية ما الجبنة تسيح وتتقدم سخنة جدا مع الفراخ وبالف هنا