مش شرط عشان النهاردة مش الجمعة يبقي متاكلش بط جبنالكو وصفة البط الدمياطي الخطيرة ?‍♀️?

الطريقة??
طريقة البط .. بصلة متوسطة تتقطع صغير نشوحها ف زبدة عليها رشة ملح رشة فلفل رشة سكر حبهان قرنفل كبابة صيني لورا كل دا صحيح وبعدين اضيف الكبدة والقناصة متقطعين.. هنا نحط باقي التوابل فلفل كمون بهارات قرفة جنزبيل بشرة صغيرة جوزة الطيب وبعدين اضيف نص ك رز واشوحه كويس مع البصل لحد ما يبقى مفرفر كدا .. واضيف ميه مغليه بس شوية صغيرين عشان الرز يستوي نص تسوية
واسيبه يبرد شوية واشيل منه التوابل الصحيحة واحشي بيه البطة او الفراخ للي مبيحبش البط او الحمام كمان ?
بعدين احطها ف الشوربة اللي فيها نفس التوابل الصحيحة ومعاها فلفل وشوية سكر مش ملح الملح لما نقرب تستوي

حطيناها ف الشوربة نغطي بقي ونروح نعمل الرز
كيلو رزبلدي عادي هنحمره كويس زي الشعرية كدا وبعدين نشيله علي جنب ف حلة تانية نضيفة ناشفه نحط معلقتين كبار سكر او اكتر حسب الرغبة ونسيبه علي نار متوسطة لحد ما يكرمل ويبقى لونه بني فاتح .. اول ما يتكرمل نحط الرز اللي حمرناه ونضيف الملح والتوابل بتاعتنا والمكسرات اللي عايزنها بنحط زبيب  ونزود شوربة او ميه مغلية
لما البطة تستوي بعمل خلطة معلقة صلصة دبس رمان صويا صوص وشوية زيت او زبدة احلى ورشه فلفل وادهنها كويس بالفرشة من كل ناحية وف الفرن بقلبها على كل جنب لحد ما تتحمر كلها
بس كدا ونقدمها وبلهنا والشفا ???