باترفلاي المطاعم

? المقادير …
٥٠٠ جرام جمبري بالقشر

? لتتبيل الجمبري …
ملعقة كبيرة ثوم مفروم ناعم
ملعقة كبيرة مسترده
ملعقة صغيرة كمون
عصير ليمونه كبيره
ملح حسب ما تحبي

? الطريقة …
اول حاجه افتحي ظهر الجمبري بالمقس وشيلي الكيس الرملي ..
وبالسكينه افتحي الجمبري بالطول ..
•• الطريقة متوضحه اكتر فـ الڤيديو ••

اخلطي كل مكونات التتبيله مع بعض وتبلي الجمبري كويس بيها ..
دخليهم الثلاجه لحد ما تحضري الصوص …

⬇️⬇️
? لتحضير الصوص ..
ملعقة كبيرة زبدة
ملعقة صغيرة ثوم مفروم ناعم
ملعقة كبيرة مستردة
كوب كريمة حلويات او طبخ ( كريمة لباني )
١/٢ كوب ماء + ١/٢ ملعقة صغيرة نشا ( دوبيهم كويس مع بعض )
ملح وفلفل ابيض او اسود حسب ما تحبي
ملعقة كبيرة شبت مفروم

✅ الطريقة ..
علي درجة حرارة متوسطة حطي الزبدة والثوم واول لما الزبدة تسيح وريحة الثوم تطلع من غير ما ياخد لون خالص نزلي المستردة وقلبيهم مع بعض ثواني ..
نزلي عليهم الكريمة والمياه بالنشا واول لما تغلي هدي النار ..
اول لما قوامها يتقل شوية ظبطي الملح والفلفل حسب ما تحبي .. واطفي النار
⛔️ اخر حاجه الشبت وقت التقديم ..

? تسوية الجمبري …
طاسه او جريل سخن كويس علي نار عاليا حطي ملعقة كبيرة زيت ..
وابدأي اشوي الجمبري ..
ونزليه الاول ناحيه القشر ..
⏲ دقيقتين بقى لكل جنب مش اكتر من كدا ..

? التقديم ?
في طبق التقديم حطي الجمبري ونزلي عليهم الصوص ( بعد ما تحطي عليه الشبت وتقلبيه كويس ) ..
وبالهنا والشفا .. ??