مين بيحب الشاورما السوري

سندوتشات شاورما الفراخ.. عملتها في البيت مع البطاطس ? المحمرة وسلطة الكولو سلو..

المقادير
١- كيلو صدور فراخ متقطعة شرايح وياريت متبقاش رفيعة اوى عشان متتكسرش في السوا وتتهري.
2- بصلة متوسطة مقطعة شرائح.
3- ثمرة طماطم كبيرة من غير بذر ومقطعة شرائح.(حسب الرغبة)

4 -3 ثمرة فلفل ملّون مقطعة شرائح.
5- ½ كوب زبادي.
6- 3 ملاعق كبيرة خل.
7- 2 ملعقة كبيرة عصير ليمون.
8- ربع كوب زيت.
9- البهارات ودي أهم حاجة يا أما تجيبوا كيس بهارات جاهزة من ثري شيفس أو كنور – أو تعملوها بنفسكم كالتالي :ملعقة صغيرة بودرة ثوم ومعلقة صغيرة بودرة بصل ملعقة صغيرة بهارات فراخ وملعقة صغيرة بابريكا. ¾ ملعقة صغيرة سماق. ½ ملعقة صغيرة حبهان مطحون. ملح وفلفل أسود.

الطريقة

نغسل الصدور ونقطعها شرايح وبعدين نحط الليمون والخل والبهارات والزيت والزبادي ونقلبهم مع بعض كويس ونسيبها في الثلاجة ممكن ساعة أو ساعتين بالكتير
بعد كدة نجيب طاسة نحطها على النار تسخن اوووى وننزل بالفراخ تاخد صدمة ونقلب فيها لحد ما لونها يتغير وتبقى بيضا، بعدها ننزل بالبصل دقيقتين وننزل بالفلفل والطماطم
وهي ٥ دقايق وهتكون استوت.. وبالهنا والشفا ?

العيش بقي انا اشتريته جاهز بيتباع في السوبر ماركت الكيس فيه ٥ ب ٨ جنيه.
ممكن نحط على العيش مايونيز خفيف وشرايح خيار مخلل رفيعة.. حسب الرغبة
بعدها نحط الشاورما في العيش ونلفه ونسويه على الجريل

★ طريقة عمل سلطة كول سلو بالمايونيز

٢كوب كرنب السلطة
كوب جزر مبشور
1/2 كوب مايونيز، ما يعادل 100 غرام
3 ملعقة كبيرة لبن أو زبادي
٢ ملعقة كبيرة خل
1 ملعقة كبيرة سكر، أو عسل نحل
1/4 ملعقة صغيره ملح
1/4 ملعقة صغيره فلفل ابيض

وبالف هنا ع قلوبكم ?