بما اننا شعب بيحب الاكل فاول حاجه بعد الاكل الحلويات ♡♡

اللي  يعمل دونتس زينا نقوله يا عمنا
دونتس المحلات وافخم لو ظبطو المقادير والطريقة♥️♥️♥️
المقادير:
٢ونص كوب دقيق
٢ ملعقة كبيرة سكر
٢ملعقة صغيرة خميرة فورية
كوب حليب دافى قابل للزيادة والنقصان
بيضة
زرة ملح فانيليا
٢ملعقة زبدة دايبة او زيت
يضاف الخميرة للسكر والحليب ويترك ليخمر
تضاف البيضة والفانيليا والزبدة وتضرب ثم يضاف الدقيق تدريجيا وتعجن جيدااا ١٠ دقائق
تترك لتخمر وتقطع كرات حسب الرغبة فى الحجم
وتخرم بوجة من اوجة قمع الكريم شانتية
ملحوظة:دى بتسهل التقطيع افضل من الفرد والتقطيع بقطاعة الدونتس وجمع باقى العجين واعادة تخميرة اهدار للعجين والوقت♥️
تترك اتخمر بعد التقطيع وتقلى فى زيت غزير على خرارة متوسطة
والزينة شيكولاتة خام او سكر بودر حسب الرغبة♥️♥️♥️

طريقة تانية :-

اطري دونتس بالسكر ازاي نعمل دونتس طري وبشكل حلو من غير ما نستخدم قطاعه الدونتس (دونتس من البيت )

مين فينا مش بيحب الدونات وخصوصا اما يترش عليه شوية سكر ويتاكل جنب كوباية شاي بحليب، او كابتشينو اكيد مفيش! كلنا بنموت فيه بس بنستصعب وبنكسل نعجن كل شويه، طيب تعالو نبدا بالمقادير ونعملوا سوا ونشوف ايه الي هيحصل
الاول المقادير
٢٠٠جرام لبن
٤٠ جرام سكر
٢٠ جرام خميره
١/٢ ملعقه صغيره ملح
٤٠٠ جرام دقيق
١ بيضه
٤٠ جرام زبده

التزويق :سكر

وبألف هنا ع قلبكم ياحلوين ???