طريقة التشيز كيك مانجو
٤٠٠ جرام بسكوت اولكر فينجر
١/٢ كوب زبدة سايحة او اكتر حسب الاحتياج
٥٠٠ جرام كريم تشيز او جرام جبنة لافاش كيري سبريد
٢٠٠ جرام قشطة fresh
٢٥٠ جرام كريم شانتيه بودر خام
١ كوب لبن مثلج
ا كوب سكر مطحون
٣ باكيت جيلي مانجو
٢ معلقة كبيرة جيلاتين
١كوب مانجو فريش
١ ١/٢كوب ماء مغلي
فانيليا
قطع مانجو

الطريقة :- اول حاجة بطحن البسكوت لحد مايبقي ناعم بضيف الزبدة و اقلب لغاية مايبقي زي الرملة المبلولة وبحطه ف صينية التشيز كيك و اضغط جامد و بحطه ف الفرن ١٠ دقايق كدة بعدين بنضرب الكريم تشيز بالقشطة و الفانيليا و بعدين السكر بالمضرب الكهربائي و نسيبهم علي جنب و نضرب الكريم شانتيه بكوب اللبن لحد ما يتقل و القوام بتاعه يبقي كويس ابدا اضيف خليط الكريم تشيز ع الكريم شانتيه و اقلب بالسباتولا من فوق لتحت بعد كدة بجيب ٣/٤ كوب مايه مغلية بدوب فيها كيس و نص جيلي مانجو و ٢ معلقة جيلاتين ف ٣/٤ كوب الماء المغلي بدوبه كويس و اجيب معلقة من خليط التشيز ع الجيلي المدوب ف الماية المغلية و اقلب وبعدين أضيفه ع خليط التشيز و اقلب كويس كدة الصينية اللي فيها البسكوت تكون بردت أضيف عليها خليط التشيز و ادخلها التلاجة
بعد كدة نجهز اخر طبقة بنجيب كوب المانجو نضربه ف الخلاط مع حوالي ربع كوب سكر بعد كده بجهز الباكيت و نص جيلي ف ٣/٤ كوب مايه مغلية و بدوبهم كويس و اضيفهم ع المانجو و اقلب كويس بعد كدة بجيب قطع المانجو برصها ع التشيز كيك ( بعد ما اتاكد انها مسكت كويس) و اضيف خليها خليط المانجو اما يكون برد شوية و ادخلها التلاجة يوم كامل ♥️♥️

Cheesecake mango ? ?♥️