كلنا بالنحب الشكولاته وبنحب نستمتع باللحظات الجميلة عشان كدا هنعمل احلي وصفة وباسهل طريقة ..

اكلير شيكولاتة??

عجينة الاكلير :
كوب دقيق
كوب ماء
١٠٠ جرام زبدة نصف كوب زبدة
٤ بيضات
رشة ملح وفانيليا

الكريم باتسيير :
٢ بيضة
نصف لتر لبن
نصف كوب سكر
ربع كوب نشا
٢ كيس فانيليا
لو حابة الكاسترد يبقي شيكولاتة ضيفي معلقة كاكاو علي الخليط

جناش الشيكولاتة:
١/٢ كيلو شيكولاتة مبشورة غامقة او بيضاء
٣ علب قشطة بوك او رينبو
أو
١/٢ كيلو شيكولاتة مبشورة غامقة او بيضاء
١/٤ كيلو كريمة لباني
معلقة زيت

طريقة الاكلير :
علي النار نحط كوب المياه والزبدة تسيح الزبدة وننزل الدقيق معاه رشة الملح لحد ما يستوي والعجينة تلم تبقي كتلة واحدة ونرفعها من علي النار ولازم تبرد شويا وننزل بالبيض بالبيضة يدوي أو بالمضرب او بالعجانة وبعد البيض نحط الفانليا لحد ما البيض يختلط كويس جدا ولمدة تبقي العجينة خلصت نحطها في كيس حلواني ونشكلها وندخلها الفرن علي درجة حرارة ١٨٠ اول ما يبقي لونها دهبي من تحت نعرف انها استوت تبرد خالص ونفتحها ونحشيها..

الحشوة الكريم باتيسيير او الكاسترد:
علي النار بنحط نصف كمية اللبن تدفي وفي بولة برة نحط باقي اللبن مع البيض والنشا والسكر والفانيليا نقلبهم كويس اوي وناخد كبشة من اللبن علي النار نحطها عليهم وبعد كدة نحطهم كلهم علي النار ونعلي ونفضل نقلب لحد ما يتقل ولمدة خلصت الحشوي

صوص الشيكولاتة:
بنحط القشطة علي النار تسخن ونرفعها من النار وننزل الشيكولاتة المبشورة ونقلب وكدة خلصت..
او بنسيح الشيكولاتة علي حمام مائي وبعد.كدة نحطلها القشطة او الكريمة اللباني ومعلقة الزيت..وبالهنا والشفا..