كيكة الحليب (التري ليتشي) ??

الطريقة
– ٢٥٠ جرام  دقيق

–  ٢٠٠ جرام سكر

– محسن كيك *كيك شيف عادي

– كيس بكينج بودر

– فانيليا بودر

– نشا ٢٥ جرام

– ٥ بيضات
ونضربهم كلهم لمدة ٥ دقايق يعني نحطهم كلهم عل بعض كل المكونات ونضرب كويس لمدة ٥ دقايق
ده بالنسبة للكيك

لتسقية الكيك محتاجين

نص كوب حليب مكثف
نص كوب لبن عادي
نص كوب كريمة خفقة *مش نص نص يعني لو حتة كده يعني قيمة معلقتين هتبقي أوكية  ♥️
أهم حاجه بقي التكته عشان تظبط لو خرجتي الكيك وهي سخنة آوي وقمتي ساقيها بالخلطة مش هتتاكل بجد والله هتبووظظظ هنعمل أي ؟ الكيكة طلعت أهي من الفرن بنشيل وشها يعني طبقة من إللي فوق بحيث تمتص الصوص ده وتسيبها تهدي شوية وبعدين لما تهدي م تبقاش سخنة نسقيها ونسيبها تتشرب في الوقت ده بنكون بنعمل الكريمة إللي هنحطها علي الكيك لما تتشرب وللكريمة دي بنحتاج : نص كوب حليب
نص كوب لبن عادي
نص كوب كريم شانتية خام *بفضل الخام عن الاكياس ليه
هنضربهم مع بعض لحد ما يعلو كده وينفشو وبعدين نحطهم علي الكيكة بعد ما اتشربت ونفردهم عليها كويس ونساوي الوش ونحطها في التلاجة تسقع نص ساعة في الوقت ده بنعمل الكراميل :عاوزين حلة نحط فيه كوباية سكر و٢٥ ملي مياة يعني حبة قليلين اوووي ومنقلبش ولا نحرك ولا نيجي جمبهم خالص  بعد ما يبدأ لونهم كده يتغير ويخش عل الكرملة إللي هو خلاص هيتكرمل بنهز الحلة هزتين كده مش بالمعلقة ولا نقلب خالص وبعدها لما ياخد لون بني مش محروق ونخلي بالنا كويس من البني المحروق وإللى حلو لأن الفرق شعرة بعد ما ياخد اللون ده ننقلة من النار بس عشان نحط الكريمة *بقيت كريمة الخفق  (بصو إحنا نجيب علبة كريمة المراعي تعيش معانا ♥️
وبعدين نقلب سنة سنة عشان ميكلكعش وبعدين ندخلها تآني علي النار وننزل ب ٢ مكعب زبدة كبار حلوين كده  ومكعب صغير شيكولاتة بيضا ونقلب وخلاص بعد ما يدوبو نقفل الموضوع ده
نيجي للتقديم:
هنخرج الصنية من التلاجة تكون جمدت ومسكت نفسها ونصب عليها الكراميل ونساوي الوش كده ونكون سايبين حبة من الكريم شانتية عشان نزين بيه باي شكل بقي حابينو مش لازم كيس حلواني نجيب كيس تلاجة ونحط فيه خلطة الكريم شانتية ونقطع حتة بالمقص ونزين إحنا بنعرف نعمل من العلقم بنبوني ♥️♥️
بسس كده ندخلها التلاجة كل ما تسقع كل ما تحلو ♥️♥️
والف هنا علي قلوبكم ♥️