كيك بالجيلي بابسط طريقة
#المكونات_للكيك
3بيضات
فانيليا
بيكنج بودر
ثلث كوب زيت
كوب لبن او عصير برتقال
كوب سكر
معلقة خل ابيض
دقيق منخول

#طريقه_الكيك
نحط البيض وفوقه الفانيليا والخل ونضرب ونحط السكر شوية بشويه
ننزل بالزيت واللبن ،ونضرب ،وبعدين وبعدين نحط البيكنج بودر والدقيق شوية بشوية
واو عايزاها بالشيكولاته قللي من الدقيق وزوي كاكاو او شيكولاته مبشوره
…..
الجيلي بقا هنعمله عادي جدا زي م مكتوي ع باكت الجيلي (ونسيب منه حوالي نص كوبايه او كوبايه بالكتير علشان نسقي بيها الكيك) ويستحسن نعمله قبل م نعمل الكيك ،وبعدين نجيب قالب او صينيه ونحطه فيها وممكن نحط جواه قطع موز وفراوله بتبقي حلوة جداا
وندخله الثلاجه لحد م يتماسك
..
بنجيبه بقا بعد م يتماسك ونجيب الكيك ونقسمها اقل حاجه طبقتين ونحط طبقه فوق الجيلي اللي ف القالب ونسقيها بجيلي خفيف ونحط حشو مثلا كريمه او شيكولاته او صوص شيكولاته بسيط هكتب طريقته تحت وبعدين نحط الطبقه التانيه من الكيك ونسقيها بباقي الجيلي ونغطي الصينيه بكيس او اي حاجه وندخلها الثلاجه لحد م يتماسك
لما نطلعها بقا بعدها ع الاقل بثلاث ساعات
نحط الصينيه (القالب) ف ماء مغلي جدا علشان الجيلي يفلت معانا
وبعدين نقلب الصينيه ف طبق كبير ونسيبها شوية لحد م نتاكد انها نزلت من القالب
..
ابسط صوص شيكولاته للزينه حتي لو مش هتستخدموه ف الوصفه
بنجيب ثلث كوب كاكاو خام منخول
وكوب لبن
وكوب سكر
ونقلب كويس ونحطه ع نار هادية مع التقليب لحد قوامه يتقل
..
وبالهنا. ???