وصفة بسكويت البرتقال
بسكويت البرتقال❤️ من أطعم واسهل الطرق
عايزة اقلكوا حاجه مهمه
آكتر حاجه بتبوظ البسكويت أو بتضيع طعمه النشادر
مفيش محل بيحط نشادر فياريت تستغنوا عنها لأنها بتغير من البسكويت كطعم و شكل و من غيرها البسكويت بيبقي احلي كتير
سواء زبده او برتقال
ده بسكويت البرتقال بأحلي طريقه ممكن تعملوها و فعلا هتحسوه احلي من إللي بره هش و مقرمش و بيدوب فعليا
???
المقادير
نصف كيلو دقيق
٣٠٠ جرام زبده طريه و ساقعه في نفس الوقت و ده مهم
١٥٠ جرام سكر بودره
معلقه كبيره بيكنج بودر
٢ بيضه
فانيليا
تلت كوب عصير برتقال
بشر قشره برتقاله
الطريقه
هنخفق الزبده مع السكر كويس جدا لحد ما القوام يبقي كريمي
و نضيف بعد كده البيض و الفانيليا و نخفق كويس
قبل ما ننزل بالدقيق علي الخليط هنحط عليه البينكنج بودر و بشر البرتقال
و ننزل بالدقيق بالنماوب مع العصير
يعني ٣ معالق دقيق و بعد كده شويه عصير و هكذا لحد ما أخلص كميه الدقيق و العصير
علي سرعه متوسطه بمضرب البيض
نيجي بقي للنقطه المهمة ??
هنقطع البسكويت بكيس الحلواني و ندخله فرن سخن علي حراره ١٨٠
و مش هنقطع الكميه كلها مره وآحده شويه شويه يعني لو الفرن اتملت هنستني منحطش الباقي في صواني إلا لما يخرج علشان مش عايزين العجين يسيح في الصواني و خصوصا الدنيا لسه حر
نحط باقي الخليط في التلاجه أو في تكييف عقبال ما نخرج إللي في الفرن وبألف هنا .
