ازاي نخس بشكل طبيعي ومن غير ضرر وفي وقت أسرع

١.أولاً:?أحسن طريقة لخسارة الوزن هي حسب السعرات الحرارية ال بنحتاجها في اليوم و نقلل منها ٣٠٠الي٥٠٠ سعرة حرارية عشان نخس من ١/٢ كيلو إلي ١ كيلو او اكثر في الأسبوع منغير زيادة و ده اسمو ال’healthy weight loss‘ يعني نقصان الوزن الصحي.

٢.ثانياً:??مفيش حاجة اسمها أمنع ‘الكاريوهيدرات’ الموجودة في الرز و المكرونة و العيش او السكر، لأن الجسم بيحتاج للحجات دي و لو منعناها خالص مش هنخس بسرعة بالعكس هنخس ببطئ جداً. الحل هو حسب السعرات و للناس اللي عايزة تعرف أكتر، البروتين و الكاربس بيطلعو نفس الطاقة لما بيتحرقوا و هي ٤ سعرات حرارية علي عكس الدهون بتطلع ٩ سعرات حرارية عشان كدة في ناس بتمشي علي نظام الketo diet أو الكيتو  بيعتمد اساسا علي الدهون الصحيه المفيدة كمصدر اساسي للطاقة.

٣. ثالثاً:??مش معني اني بحسب سعراتي إني آكل أكل مش صحي لمجرد انه محسوب السعرات لأن مثلاً: لو و في ٢ محمود و عمر، و الأثنين بياكلو ٢٠٠٠ سعرة بس محمود بياكل اكل متوازن صحي في نسبة بروتين عالية يعادل ال٢٠٠٠ سعرة و عمر بياكل اكل اي كلام بس ٢٠٠٠ سعرة برضو، إيه ال هيحصل؟ محمود هيخس مثلاً ٤ كيلو دهون و هيحافظ علي العضلات بتاعتو بنسبة كبيرة و هيكون فقد وزن بطريقة صح و مش هيتخنهم تاني إنما عمر هيخس ال٤ كيلو دول بس عضلات و مياه و هيكون شكله أتخن من أحمد عشان مكنش بياكل أكل متوازن او بروتين كفاية.

٤. رابعاً:??‍♀️??‍♂️التمرينات الرياضية عالية الكثافة ‘HIIT‘ بتخسس جداً و بنفضل نحرق بعد التمرينة ب٤٨ ساعة عشان ضربات القلب بتعلي جدا أثناء التمرين و بنكون محتاجين أكسوجين فالجسم بالتالي بيحرق الدهون عشان يطلعو و يفضل يحرق بعدها عشان يعوض خلايا الجسم من نقص الأكسوجين ده. طب التمرينات دي زي إيه؟ زي مثلاً نط الحبل ١٥ دقيقة بسرعة عالية أو الجري السريع لمدة ١٠ دقايق متواصلة و في دراسة اثبتت أن الHIIT لمدة ١٥-٢٠ دقيقة تتمرن يوميا اى يعادل ال٤٥ دقيقة مشي علي التريدمال . أنا دايماً مكنش بيكون عندي وقت اتمرن عشان المذاكرة بس ابتديت الHIIT لمدة لا تقل عن ٢٠ دقيقة يوميا و خسيت أكتر من  المشاية.

٥.خامساً:??لازم نحسب نسبة البروتين بتاعتنا علي حسب وزننا، يعني في اغلب الناس المفروض ناكل ١جرام بروتين لكل ١ كيلو جرام فى الجسم بس دة طبعاً مش بيكون سهل اوي و بنحتاج نعرف نسبة البروتين في كل حاجة بناكلها كل يوم بس أحسن حاجة نعملها هي إننا نزود نسبة البروتين ف أكلنا علي قد ما نقدر. يعني نزود البيض خصوصاً بياض البيض و اللوز و اللحوم و الفاصوليا البيضاء.

٦.سادساً:??لازم ناكل حجات فيها مكونات غدائية عالية زي الشوفان مثلاً و دي بيكون في نسبة بروتين و كاربس و ألياف عالية بتخلينا نحس بالشبع لفترة أطول. و في وصفات كتير كنت بعملها لما يكون جعانة و عايزة حاجة مسكرة، زي oat pancakes و دي بتمون سهلة اوي و بحس اكني باكل حاجة حلوة في الدايت.

٧.سابعاً:?كل ما نقسم وجباتنا في أوقات معينة ثابتة بنخس أكتر، يعني لما الفطار يكون ١٠ الصبح، السناك الأولي الساعة ٢، الغداء الساعة ٥، السناك التانية الساعة٧ و العشاء قبل النوم بساعتين، احنا كدة بنخلي الجسم يتعود انه في أكل بيدخل الجسم في الوقت ده فيزود نسبة حرق الوجبة.

٨.ثامناً:??بالنسبة للمشروبات،لازم نشرب مياه كتير عشان الدهون بتحتاج للمياه عشان تتحرق خصوصاً وقت التمرين ، ف لازم نشرب مياه كفاية في اليوم ‘٨ اكواب كبيرة’. لازم كمان نشري شاي اخضر مرتين في اليوم و قهوة قبل التمرين و لو حد بيحب ممكن يبدل تاني كباية شاي أخضر بمشروب جنزبيل او قرفة باللبن بتبقي حلوة جداً.

٩.تاسعاً:⚖️لازم الطبق بتاعنا يكون متوازن، يكون نص الطبق خضار سلطة او مشوي، ربعه رز او مكرونة او نشويات عموماً و الربع الاخير بروتين و حجم إصبع الأيد دهون
زي المكسرات و الavocado.

١٠-و أخيراً:?الصيام المتقطع هو حاجة اضافية لنقصان الوزن عشان مش بحسو بيمشي مع نمط حياتنا اليومي، يعني مينفعش أكون في عزومة مثلاً و أقول لحد معلش اصلي صايم عشان الدايت? ممكن مثلاً نصوم يومين في الأسبوع زي الأثنين و الخميس? و ده هيكون كافي جداً جمب الدايت و الرياضة.